PARASMRITI – POEMS BY ALAKESH KALITA পৰাস্মৃতি – অলকেশ কলিতা – PURBAYON

“ক’লা আঙুৰৰ থোকৰ দৰে
আন্ধাৰ আন্ধাৰৰ দ্বাৰাই বিস্মিত।
কোনে খন্তি মাৰিব পাৰে
মোৰ ড্ৰয়িং ৰূমত?
খিৰিকিয়ে
যাৰে দেখোঁ
গধূলিৰ কেৰাচিন নিবলৈ আহি ক’ইটিলা
আমাৰ ফুলৰ বাগানৰ কাষেৰে। ”
অলকেশ কলিতাৰ পঞ্চম কাব্যপুথি —‘পৰাস্মৃতি’। ৭২ টা মননশীল কবিতাৰ সংকলনটি প্ৰকাশ কৰি উলিয়াইছে পূৰ্বায়ণ প্ৰকাশনে।
কবিগৰাকীৰ কবিতা সম্পৰ্কে জ্যোতি খাটনিয়াৰে কৈছে —“অলকেশে বাছি লোৱা জগতখন স্মৃতিৰ পৰা আহৃত। কবিতাৰ এটা বিখ্যাত সংজ্ঞাই হ’ল—“Emotion recollected in tranquility. ” কবিতাক লৈ অলকেশে চিন্তা কৰিছে। তেওঁ ইয়াক ‘শুদ্ধ চৈতন্যৰ উদ্ভাৱন’ বুলি ভবা নাই। তেওঁৰ কবিতাৰ মানুহখিনি তেজ-মঙহৰ, সুখৰ-দুখৰ, উদ্যম আৰু যন্ত্ৰণাক্লিষ্ট বাকাবৰণৰ সৈতে সাঙোৰ খাই থকা মানুহ। সেইবাবে পৰীক্ষাৰ নানান গণ্ডী অতিক্ৰমিও অলকেশে কাব্যিক ভাবনাৰ বাবে তৈয়াৰ কৰি লোৱা কাব্য ভাষা প্ৰাণৱন্ত আৰু মজ্জাগত উপলব্ধিৰে সংপৃক্ত। ”
“কওঁ তোমাক আকৌ এবাৰ সেই যে কৈছিলোঁ
এই ঋতুচক্ৰৰ কথাকে পুনৰ:
যোৱাবেলি
ধুমুহাৰ পাছত মাজৰাতি নিতাল মাৰোঁতে।
যদিও সকলোতে সোঁৱৰণি লাগি আছে
হাতৰ আঙুলিবোৰ তোমাৰ
মই আগতেও চুইছোঁ। ”
পুথিখনৰ নাম —‘পৰাস্মৃতি’। কবিৰ একাষাৰত অলকেশ কলিতাই কৈছে—“সোঁৱৰণি যেতিয়া এক মেণ্টেল ফেকাল্টিলৈ পৰিৱৰ্তিত হয়, তেনে এক মনোৱস্থাৰ প্ৰতিনিধিত্ব কৰিছে ‘পৰাস্মৃতি’ নামটোৱে। কেতিয়াবা ক’ৰবাত গম নোপোৱাকৈ শৰীৰৰ কোনো অংগত খুন্দা-খুন্দলি খাই তিনি চাৰিদিনমান পাছত যেতিয়া সেই ঠাইত ৰিম্ ৰিম্ বিষ এটা আৱিষ্কাৰ হয়, সেই বিশেষ বিষটো মোৰ কিবা উপভোগ্য যেন লাগে, মাজে মাজে এনেই হেঁচুকি-বিদাৰি মজা লওঁ। সোঁৱৰণ কাতৰতাৰ মাজতে তেনে এক মজা মই লৈছোঁ এই সংকলনৰ প্ৰায়ভাগ কবিতা লিখোঁতে।”
কবিগৰাকীৰ এই স্মৃতি-বিলাসিতাই পাঠককো তৃপ্ত কৰিব—
“জটিল সোঁৱৰণিৰ হিচাপ লগোৱাত মই তাক ব্যস্ত কৰি দিওঁ
আন আৰু উত্তৰ নাই বিবেকৰ।
বন্দী হৈ ৰৈ গ’লোঁ যিদৰে এক অনাদি বৃত্তান্তৰ।
কালে মাথোঁ অভ্যাগতৰহে মুখলৈ চায়
আৰু দ গাঁত খান্দে প্লাষ্টিকৰ আৱৰ্জনাৰ বাবে।
যাতে মই নতুনকৈ অহা কোনো নহওঁ কাহানিও
প্ৰতি পুৱা চকু মোহাৰি দাতোন কৰি। ”
কবিয়ে লগতে আকৌ কৈছে, “মই কেৱল নিজৰ কথাবোৰ ক’বলৈকে এইবোৰ লিখা নাই চাগে! “নিশ্চিতভাৱে, পঢ়়ুৱৈসকলেও কবিতাসমূহৰ মাজত নিজৰ কথাবোৰকে বিচাৰি পাব।
পৰাস্মৃতি
অলকেশ কলিতা
পূৰ্বায়ণ প্ৰকাশন

পৰাস্মৃতি
অলকেশ কলিতা
PARASMRITI : A COLLECTION OF ASSAMESE POEMS BY : ALAKESH KALITA
PUBLICATION : PURBAYON
ISBN : 978-93-92699-77-1
প্ৰথম প্ৰকাশ : ডিচেম্বৰ, 2021
PAGES : 121
LANGUAGE : ASSAMESE

Related Books:

KHIRIKIKHANAT NAAM NILIKHIBA ARU LOCKDOWNR KABITA – POEMS WRITTEN BY HAREKRISHNA DEKA খিৰিকীখনত নাম নিলিখিবা আৰু লকডাউনৰ কবিতা – হৰেকৃষ্ণ ডেকা – PURBAYON Nisphal Utsav নিষ্ফল উৎসৱ অলকেশ কলিতা প্ৰকাশক : পূৰ্বায়ণ প্ৰকাশন ARLENG – ASSAMESE POEMS BY MONIKA TERONPI আৰলেং – মণিকা টেৰণপী – PURBAYON PUBLICATION ASOMAR SADHUKATHA : OITIHYA ARU SAMPATIK STHITI – NAYANJYOTI KALITA অসমৰ সাধুকথা ঐতিহ্য আৰু সাম্প্ৰতিক স্থিতি সম্পাদনা : নয়নজ্যোতি কলিতা – PURBAYON LUTFA HANUM SALIMA BEGUMAR KABITA SAMAGRA লুট্‌ফা হানুম ছেলিমা বেগমৰ কবিতা সমগ্ৰ (আৰম্ভণিৰ পৰা ২০১১লৈ) সম্পাদক : দিগন্ত শইকীয়া – PURBAYON BHASKAR ভাস্কৰ : অলকেশ কলিতা প্ৰকাশক : পাঞ্চজন্য বুক্‌ছ (PANCHAJANYA BOOKS) MEGH GHORA – DWIJEN KUMAR DAS মেঘ-ঘোঁৰা : দ্বিজেন কুমাৰ দাস (PURBAYON PUBLICATION) SAGARTALIR SANKHA – SELECTED POEMS OF NILAMONI PHOOKAN EDITED BY DR. HIREN GOHAIN সাগৰতলীৰ শঙ্খ – নীলমণি ফুকনৰ নিৰ্বাচিত কবিতা সম্পাদনা ড° হীৰেন গোহাঁই – PURBAYON Asomiya Bhasar Samarthak Sabda – Dr. Sumi Kalita অসমীয়া ভাষাৰ সমাৰ্থক শব্দ – ড॰ চুমি কলিতা – PURBAYON ANNESHWAN – UNABINGSHA SATIKA ARU ANYANYA WRITTEN BY MILAN NEOG অন্বেষণ -উনবিংশ শতিকা আৰু অন্যান্য – ড° মিলন নেওগ – PURBAYON THAJBEGI MONGLAN – SHORT STORIES WRITTEN BY BABITA KALITA থাজবগী মঙলান – ববিতা কলিতা – Writer’s Stores MORI JABOUTO PARU – POEMS BY DHIMAN BARMAN মৰি যাবওতো পাৰোঁ – ধীমান বৰ্মন – PURBAYON SAHITYA ARU ANUXANGA – COLLECTION OF ARTICLES WRITTEN BY HAREKRISHNA DEKA সাহিত্য আৰু অনুষংগ – হৰেকৃষ্ণ ডেকা – PURBAYON PUBLICATION Bivramor Sekhot by Utpal Deka বিভ্ৰমৰ শেষত – উৎপল ডেকা – PURBAYON BOI JAI CHAMPAWATI – SOCIAL NOVEL WRITTEN BY ABDUS SAMAD বৈ যায় চম্পাৱতী (2006 বৰ্ষৰ মুনীন বৰকটকী বঁটাপ্ৰাপ্ত উপন্যাস) আব্দুচ ছামাদ – PURBAYON Abrittir Ruprekha আবৃত্তিৰ ৰূপৰেখা পল্লৱী গগৈ বৰগোহাঁই প্ৰকাশক : পূৰ্বাঞ্চল প্ৰকাশ