THE TOP GEAR – TRAVEL STORIES WRITTEN BY UJJWAL DIPLU GOGOI দ্য টপ গিয়েৰ : দুৰ্গম ঠাইলৈ মটৰ চাইকেলেৰে কৰা দুঃসাহসিক যাত্ৰাৰ ৰোমাঞ্চকৰ কাহিনী – উজ্বল দিপ্লু গগৈ – PURBAYON

#দ্য_টপ_গিয়েৰ ব্যতিক্ৰমী সোৱাদৰ এক ৰোমাঞ্চকৰ ভ্ৰমণ কাহিনী। মটৰ চাইকেলেৰে কৰা দুৰ্গম যাত্ৰাৰ দুঃসাহসিক বৰ্ণনাৰে উজ্জ্বল দিপ্লু গগৈয়ে লিখি উলিওৱা গ্ৰন্থখন প্ৰকাশ কৰিছে পূৰ্বায়ণ প্ৰকাশনে।
১৭,৮০০ ফুট উচ্চতাত থকা চিকিমৰ গুৰুদংমাৰ শিখৰলৈ শিহৰণকাৰী যাত্ৰাৰ সজীৱ বৰ্ণনাৰে গ্ৰন্থখনৰ আৰম্ভণি। পৰৱৰ্তী অধ্যায়সমূহত সন্নিৱিষ্ট হৈছে অৰুণাচল টাই-খামটিসকলৰ বসন্ত আদৰা উৎসৱ ‘চাং কেন’ৰ বিচিত্ৰ অভিজ্ঞতা, এনফিল্ডেৰে টাৱাং, জয়ন্তীয়া পাহাৰ, নেপাল যাত্ৰাৰ মনোমোহা বৰ্ণনা।
অৱশ্যে ‘দ্য টপ গিয়েৰ’ক কেৱল বৰ্ণনামূলক একঘেয়ামী ভ্ৰমণ কাহিনী বুলি মুঠেই ক’ব নোৱাৰি। লেখকৰ জড়তাবিহীন স্বতঃস্ফূৰ্ত ভাষা আৰু কথনশৈলীয়ে গ্ৰন্থখনকো প্ৰথমৰ পৰা শেষলৈ যাত্ৰা-পথবোৰৰ দৰেই গতিশীল কৰি ৰাখিছে। সমান্তৰালকৈ পাঠককো মানসিকভাৱে লৈ যাব পাৰিছে গন্তব্য স্থানলৈ।
কেৱল পাহাৰীয়া যাত্ৰাপথৰ দৃষ্টিনন্দন প্ৰাকৃতিক সৌন্দৰ্যৰ কথাই নহয়; সৰু-বৰ আনুষংগিক ঘটনা-পৰিঘটনাৰ সৰস আৰু সজীৱ উপস্থাপন তথা সহযাত্ৰীৰে সৈতে কথোপকথনে গ্ৰন্থখনক অধিক আকৰ্ষণীয় কৰি তুলিছে। তদুপৰি ঠাইসমূহৰ ভৌগোলিক, ভূতাত্ত্বিক, ঐতিহাসিক, সাংস্কৃতিক আদি দিশবোৰৰ তথ্যভিত্তিক বিৱৰণেৰেও গ্ৰন্থখন সমৃদ্ধ।
যাত্ৰাপথত মুখামুখি হোৱা বতৰৰ প্ৰতিকূলতা তথা অন্যান্য অনাকাংক্ষিত পৰিস্থিতিকো নেওচি অদম্য মানসিক শক্তিৰে লক্ষ্য স্থানত উপস্থিত হোৱা ‘দ্য টপ গিয়েৰ’ৰ মন-পৰশা কাহিনীয়ে পাঠককো উচ্ছসিত কৰি তুলিব। ক’ব পাৰি যে, ছ’চিয়েল মিডিয়া অথবা টেকন’লজিৰ যান্ত্ৰিকতাৰ পৰা ক্ষণিক আঁতৰাই এই গ্ৰন্থখনে পাঠকক প্ৰকৃতিৰ মনোৰম পৃথিৱী এখনলৈ লৈ যাব।
নিশ্চিতভাৱে এনেধৰণৰ যাত্ৰা সহজ নহয়; কিন্তু প্ৰত্যাহ্বানৰ মাজেৰে জীৱনৰ এনে অনন্য সোৱাদ লাভ কৰিবলৈ আগ্ৰহী ভ্ৰমণ-বিলাসীসকলক এই গ্ৰন্থখনে বাৰুকৈয়ে অনুপ্ৰাণিত কৰিব। কেৱল সেয়ে নহয়;এনেধৰণৰ যাত্ৰাৰ বাবে প্ৰয়োজনীয় প্ৰস্তুতিৰ বাবেও সহায় কৰিব।
সুখবৰ যে, ‘দ্য টপ গিয়েৰ’ৰ দ্বিতীয় সংস্কৰণো ইতিমধ্যে মুকলি কৰা হৈছে। আশা কৰোঁ, পাঠক-সমাজে পূৰ্বৰ দৰেই আদৰি ল’ব।
#দ্য_টপ_গিয়েৰ
উজ্জ্বল দিপ্লু গগৈ
#পূৰ্বায়ণ_প্ৰকাশন

দ্য টপ গিয়েৰ : দুৰ্গম ঠাইলৈ মটৰ চাইকেলেৰে কৰা দুঃসাহসিক যাত্ৰাৰ ৰোমাঞ্চকৰ কাহিনী
উজ্বল দিপ্লু গগৈ
THE TOP GEAR : A COLLECTION OF TRAVEL STORIES
WRITTEN BY : UJJWAL DIPLU GOGOI
PUBLICATION : PURBAYON
ISBN : 978-93-90919-83-3
প্ৰথম প্ৰকাশ : ছেপ্তেম্বৰ 2021
তৃতীয় প্ৰকাশ : জানুৱাৰী 2022
PAGES : 119
LANGUAGE : ASSAMESE

Related Books:

THE LIFE NEEDS MORE – A COLLECTION OF TRAVEL STORIES WRITTEN BY UJJWAL DIPLU GOGOI দ্য লাইফ নীডচ্‌ ম’ৰ – উজ্জ্বল দিপ্লু গগৈ – PURBAYON PLUVIOPHILE – TRAVEL STORIES WRITTEN BY UJJWAL DIPLU GOGOI প্লু ভি অ ফাইল – বৰষুণৰ মাদকতাৰ মাজেৰে যাত্ৰা – উজ্জ্বল দিপ্লু গগৈ – PURBAYON Bir Bijeta পৰম বীৰ চক্ৰ বিজয়ী সৈন্যসকলৰ দুঃসাহসিক কাহিনী বীৰ বিজেতা ৰাস্না বিছট্‌ ৰাৱাট অনুবাদক : প্ৰশান্ত দত্ত প্ৰকাশক : অসম পাবলিচিং কোম্পানী JADA JADA HI DHARMASHYA – STORIES FROM MAHABHARATA – BY DITIMONI GOGOI যদা যদা হি ধৰ্মস্য – মহাভাৰতৰ বাছকবনীয়া কাহিনী – দিতিমণি গগৈ (OTHERS) EKAP COFFEE ARU ETA AADHARUWA KAHINI – SHORT STORIES WRITTEN BY PALLAVI KAUSHIK SHARMA একাপ কফি আৰু এটা আধৰুৱা কাহিনী – পল্লৱী কৌশিক শৰ্মা – Writer’s Stores MUKHA – A NOVEL WRITTEN BY DR. MRINAL KUMAR GOGOI মুখা – ড° মৃণাল কুমাৰ গগৈ – PURBAYON THAJBEGI MONGLAN – SHORT STORIES WRITTEN BY BABITA KALITA থাজবগী মঙলান – ববিতা কলিতা – Writer’s Stores DEUKA – SHORT STORIES WRITTEN BY GAYATRI PRANTIK SARMAH ডেউকা – গায়ত্ৰী প্ৰান্তিক শৰ্মা – PURBAYON z Desh Deshantar Bhraman Kahini দেশ-দেশান্তৰ (ভ্ৰমণ কাহিনী) হাইদৰ হুছেইন প্ৰকাশক : ৰেখা প্ৰকাশন PLATFORMAR MUKUTA – CHILDREN NOVEL WRITTEN BY JUGALLOCHAN DAS প্লেটফৰ্মৰ মুকুতা – যুগললোচন দাস – PURBAYON JOKAICHUKAT JONAKIR JILMIL – SHORT STORIES WRITTEN BY ABANTIKA PARASHAR জকাইচুকত জোনাকীৰ জিলমিল – অবন্তিকা পৰাশৰ – PURBAYON Powalmoni aru chichingar duhxahaxik abhijan পোৱালমণি আৰু চিচিঙৰ দুঃসাহসিক অভিযান : ৰথীন্দ্ৰনাথ গোস্বামী প্ৰকাশক : আঁক-বাক SUKURBARIYA BAZAR ARU ANYANYA WRITTEN BY AJIT BHARALI শুকুৰবৰীয়া বজাৰ আৰু অন্যান্য – অজিত ভৰালী – PURBAYON Durgam Pathar Yatri দুৰ্গম পথৰ যাত্ৰী শৈল খাৰঘৰীয়া ( ঐতিহাসিক দ্বিতীয় মহাযুদ্ধৰ বিভীষিকাময় বাস্তৱ অভিজ্ঞতাসমৃদ্ধ এক বলিষ্ঠ উপন্যাস ) প্ৰকাশক : বাণী মন্দিৰ RAJPUTRA – SHORT STORIES WRITTEN BY MONIKUNTALA BHATTACHARJYA – ৰাজপুত্ৰ – মণিকুন্তলা ভট্টাচাৰ্য – Writer’s Stores z THE DRENJONG DAWA BY MADHURJYA MANJURI BORAH দ্য ড্ৰেঞ্জং ডাৱা – পৰ্বতাৰোহণৰ প্ৰশিক্ষণৰ ৰোমাঞ্চকৰ অভিজ্ঞতা – মাধুৰ্য মঞ্জুৰী বড়া (OTHERS)